![]() |
| कार्टुन स्राेतः नेपाल साप्ताहीक |
कमरेड त झनै लाल हुनुभएछ
धेरैले भन्थे—
हाम्रा गाउँले कमरेड अब कमरेड रहेनन्
फिका भइसके, कम—रेड भइसके
आज प्रत्यक्ष देखेर भन्दैछुः
सबै छौंडाहरुको झुठा बात रहेछन्
कमरेड त झनै लाल हुनुभएछ ।
दश वर्ष अगाडि
सहर पस्ने बेलामा
चाउरी परिसकेका गालाहरु
हुम्ली स्याउभन्दा राता भएका छन् ।
त्यही स्याउको आधा टुक्रा अंकित
रातो आइफोन छ हातमा कमरेडको ।
रेडक्रसले भुकम्पमा दिएको
रातो जस्ता र रातो पालको कृपाले
ठडिएको हो कमरेडको रातो महल ।
रातै आइफोनबाट हेर्दे हुनुहुन्छ कमरेड
हिजो मात्र युट्युवमा दिएको
भिडियो अन्र्तवार्ताको रेस्पोन्स ।
उहाँलाइ टिभीभन्दा युट्युव नै मन पर्छ
किनकी युट्युवको ब्राण्ड कलर पनि त रातो छ ।
रातै सारी ढल्काउँदै आइपुगिन् कमरेडनी
रातै चोलीमा सजिएकी छिन् माता कमरेड पनि
कमरेडका उत्तराधिकारी पुत्र
पढिसिन्छ रातो बंगलामा ।
अनि मन पर्छ कमरेड पुत्रीलाई पनि
रातै मिनीस्कर्ट ।

कमरेड रातो चियाबाट
रेड लेबलमा सर्नुभएको मात्र रहेछ
माता कमरेडले त झन्
मोहीबाट कोकाकोलामा छलाङ्ग मारिसक्नुभएछ
कमरेडनीको पनि प्रिय रहेछ
रेड स्विट वाइन
कमरेड पुत्रको प्रिय हो रेड बुल
अनि कमरेड पुत्रीको पनि पहिलो रोजाइ हो
रातै बोर्डमा नेपाल छिरेका
केएफसी र म्याकडोनाल्ड्स ।
कमरेडको दराजबाट रातो किताब हराएर के भो
टन्नै छन् कमरेडको दराज भरि
रातै खोल भएको अलि दुब्लो खालको
लालपुर्जा भन्ने पुस्तक
रातो सुटमा ठाँटिएर
रातो नम्बर प्लेट झुण्डिएको
रातै गाडिमा सबार भई
रातै साइरन बजाउँदै
रातै साइरन बजाउँदै
रातो कार्पेटमा पाइला चाल्दै
जब स्टेजमा भाषण गर्न थाल्छन् कमरेड
बिर्सन्नन् कहिँकतै 'रेड लाइट एरिया' को बारेमा बोल्न ।
बिर्सेका छैनन् कमरेडले हाम्रो घरको रातो माटो
अफसोच उनीसँग भएको रातो पासपोर्टमा
अहिले गाउँको भिसा अटाएन र मात्रै ।
चुनाव घोषण भए पछि अवश्यै आउनेछन् कमरेड
निधार भरी रातै अबिर पोतेर
रातै हेलिकप्टरमा सवार भएर
उही रातो झण्डा बोकेर
हाम्रो रक्तिम इतिहासको बयान गाउन ।
हतार छ कमरेडलाई आज
निधार भरिकाे ठाडाे
रातो धर्से टिका लगाएर
रातो धर्से टिका लगाएर
रातो अक्षता र रातै फूल अर्पेर
गर्नुछ केही बेरमा भैंसीकाे पुजा ।
पार्टीको नयाँ भवन
'राताे घर' काे समुद्घाटनमा
'राताे घर' काे समुद्घाटनमा
रातो पिर्कामा उभिएर
खानै बाँकी छ
खानै बाँकी छ
कार्यकर्ता कमरेडहरूकाे लाल सलाम ।
कमरेड कहाँ फिका भएका छन् र ?
अझै रातो भइरहेका छन् दिन प्रति दिन ।
उनी मात्रै हैन,
पुरै परिवारै लाल भइरहेछ रकेट गतिमा।
उनी मात्रै हैन,
पुरै परिवारै लाल भइरहेछ रकेट गतिमा।
तर कमरेड सोधुँ कि नसोधुँ
हिजोदेखि नै एउटा प्रश्न
खेलिरहेको छ यो मनमा
यहाँलाई राताे मार्सी भातकाे स्वाद
मीठो लाग्यो कि
हाम्रो रातो रगतको स्वाद ?
![]() |
| कार्टुनः बासु क्षितिज (अन्नपूर्ण पाेष्ट) |



