राजनीति (लघुकथा) सुवास मल्ल

Friday, July 1, 2011
गाउँमा रमेश, हिरा र श्याम एउटै कक्षामा पढ्ने साथीहरु थिए । रमेश मेहेनती र गाउँको सान बनेको थियो । हिरालाई सबैले उत्ताउली भन्थे र श्याम सानैदेखि गुण्डागर्दी र फट्याईंमा नामुद थियो । समयक्रममा उनीहरु तिनै जना एसएलसी पास गरेर सहर पसे । यो बिस वर्षपछि अहिले रमेश कलेजको ठूलो प्राध्यापक भइसकेको छ र सहरमा उसको इज्जत पनि धेरै छ । तर आर्थिक समस्या भने उसको लागि स्थायी पीडाको विषय बनेर रहेको छ । हिराले पढ्न छाडिदिई र नामूद नगरबधु बनी । उनीसँग धेरै सम्पत्ति र बैंक व्यालेन्स छ तर इज्जतको सवालमा उनी स्थायी रुपमा पीडित छिन् । उता श्यामले पनि पढ्न सकेन र उसको स्वाभाव अनुसार ऊ खुंखार डन तथा तस्कर बन्यो । भर्खर पुनर्गठित मन्त्रीमण्डलमा ऊ गृहमन्त्री नियुक्त भयो । अहिले उसँग सम्पत्ति पनि छ र इज्जत पनि ।

(प्रकाशितः प्रगति, वर्ष १, अंक १, प्रगतिशिल वाङ्मय प्रतिष्ठान, पोखरा)

No comments:

Post a Comment